Биһиги сүрүн сыалбыт — саха ыалын оҕото сахалыы ойуулуктары көрөр кыахтаныан баҕарабыт, сахалыы тылбытын оҕолорбутугар сыһыарар, кыра эрдэхтэриттэн иҥэрэр туһугар үлэлэһэбит

Үлэбит икки сүрүн хайысхалаах, ол курдук:

1️⃣ Тылбаас

Нууччалыы тылынан тахсар Арассыыйа иһигэр үгүс оҕо сэҥээриитин ылбыт мультиктары сахалыы саҥардабыт, уопсайа 4 ойуулугу сахалыы саҥартыбыт, «Фиксики» 159 сиэрийэни, «Малышарики» 212 сиэрийэни, «Три Кота» 208 сиэрийэни, «Тима и Тома» 48 сиэрийэни, «Турбозавры» 78 сиэрийэни, «Мимимишки» 103 сиэрийэни

2️⃣ Мультипликационнай сериаллары оҥорон таһаарыы

«ТООКУ» кулунчук туһунан ойуулук. Маҥнайгы сезонугар Тооку доҕотторун кытта араас түгэннэри көрсөр, сүрүн эйгэни үөрэтэр, ыарахаттары туоруурга үөрэнэр. Иккис сезонугар Тооку доҕотторун кытта Саха Сирин кэрийэр. Мультсериал уопсайа 30 сиэрийэлээх. Билигин үһүс сезон оҥоһулла сылдьар. 2024 сыл бүтүүтэ тахсыахтаах.

«Айтал уонна Аптаах күүс» дьоруой буолуон баҕарар уол туһунан ойуулук. Кини сири Хараҥа күүстэн быыһыахтаах. Дьэ ону хайдах быыһыырын, киниэхэ ким көмө буоларын бу ойуулукка көрүөххэ сөп. Ойуулук 20 сиэрийэлээх. Билигин иккис сезон оҥоһулла сылдьар. 2024 сыл бүтүүтэ тахсыахтаах.